Vangjel Tavo fitoi zgjedhjet në Himarë përballë kandidatit tjetër, Petro Gjikuria me mbi 1400 vota diferencë.
Karriera e tij në politikë numëron thuajse 3 dekada. Edhe pse i goditur nga dy tragjedi familjare në distanca kohore të ndryshme (humbja e gruas së parë dhe vajzës), Vangjel Tavo nuk hoqi dorë nga politika.
Lexo edhe :
Related Posts
Ndërkohë, në vitin 2021 ai nuk arriti të zgjidhej deputet, por u rikthye aktiv në partinë ku nisi karrierën, fillimisht si prefekt I Vlorës e më pas si kandidat për Himarës.
Ai njihet si një minoritar dhe me mbështetje nga ky elektorat në zonat e Jugut të vendit, kryesisht Gjirokastër, Dropull por edhe zona e Vlorë-Sarandë dhe kjo e ndihmoi të ishte kandidati më i përshtatshëm për mazhorancën, nëse donte ta fitonte Himarën.
Karriera e Tavos daton mes socialistëve që prej vitit 1996 në Gjirokastër.
Ai e vijoi rrugëtimin në këtë forcë politike deri në vitin 2010 si deputet, ku iu desh edhe të vendosej në krah të ish-kryeministrit Fatos Nano në kohën e krizës socialiste, si mbështetës i një rryme apo fraksioni fillimisht kundër kryeministrit aktual, atëkohë kryetar i partisë dhe kryebashkiak i Tiranës. Më tej vendosi të largohej dhe t’i bashkohej një tjetër partie të majtë, në atë kohë Lëvizjes Socialiste për Integrim, me kryetar Ilir Metën.
Tavo ia doli të merrte një mandate deputeti dhe gjatë periudhës 2012-2013 ishte ministër i Shëndetësisë, duke zëvendësuar Petrit Vasilin.
Në zgjedhjet parlamentare të vitit 2013 dhe 2017, Tavo u zgjodh deputet në qarkun e Gjirokastrës. Ai kandidoi edhe më 25 prill 2021, por nuk mundi të fitonte mandatin.
Tavo ka lindur në një fshat afër Gjirokastrës, më 17 dhjetor 1969 dhe zona e tij elektorale më mbështetëse në votime njihet ajo e Dropullit. Në aspektin profesional, Tavo ka pasur një karrierë shumë të mirë shkollore dhe ka mbaruar me rezultate të larta në degën e Mjekësisë, kurse më pas u specializua për Gjinekologji. /vizionplus.tv