Qeveria e Maqedonisë njoftoi se nesër do ta shkarkojë auditoren e emëruar për shfrytëzimin e fondeve evropiane IPA, Afrona Verizvoli.
Njoftojmë opinionin se e emëruara Afrona Verizvoli do të shkarkohet nga pozita e auditorit të fondeve IPA gjatë ditës së nesërme.
Gjithashtu theksojmë se është e nevojshme të drejtohet vëmendja ndaj abuzimeve të hapura të parave dhe fondeve të BE-së të vëna në dispozicion, të cilat kanë qenë të pranishme në periudhën e kaluar, dhe për të cilat ka një gjurmë dhe njoftim me shkrim nga Zyra Evropiane Kundër Mashtrimit (OLAF) të cilat për shkak të operacioneve të tilla kërkojnë pagesën e disa milionë eurove nga shteti”, njofton Qeveria, transmeton PRESSonline.al
Nga atje thonë se devijimin e vëmendjes në tema të tjera e interpretojnë “si ikje nga përgjegjësia për keqpërdorime të tilla”.
Ky reagim vjen pasi Bashkimi Evropian njoftoi se do të shqyrtojë me kujdes emërimin nga qeveria të Vervisolit, e cili nuk është auditor.
Komisioni kundër korrupsionit hapi një rast pas një raporti anonim, sipas të cilit një person i papërshtatshëm dhe joprofesionist ishte caktuar si kryeauditor.
Ajo erdhi në detyrë me propozim nga koalicioni VLEN. Kryeauditori për fondet IPA dhe i gjithë trupi i auditimit raportojnë në Bashkimin Evropian.(PRESSonline.al)